منتدى جدد حياتك للبنات فقط
التسجيل في المنتدى فقط للأخوات .. ممنوع التسجيل للرجال واعلم أخى أن الله شاهد ومطلع عليك..أهلا وسهلا بك زائرتنا الكريمة، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، كما يشرفنا أن تقومي بالتسجيل إذا رغبتى بالمشاركة في المنتدى، أما إذا رغبتي بقراءة المواضيع والإطلاع فقط فتفضلى بزيارة القسم الذي ترغبيه أدناه

منتدى جدد حياتك للبنات فقط

اهلا اهلا اهلا بيكم جدد حياتك بيرحب بيكم فرفش واضحك والعب معانا واوعى تنسى طاعة ربك ده هى ديه هى السعادة
 
الرئيسيةس .و .جبحـثالأعضاءالمجموعاتالتسجيلدخول
يسعدنا تقبل كافة اقترحاتكم عن طريق مرسالة مشرفة جدد حياتك
موعدنا يوم السبت الموافق 15/3/2014 الساعه 12 صباحا مع الأفتتاح الرسمي لمنتدى جدد حياتك .. انتظرونا
المواضيع الأكثر نشاطاً
فرح أغلى الغاليين .. هبه عقباوي
الليمون الممزوج بالمياه الدافئة لنزول الوزن
باديكير ومانيكير... فى البيت
ملف العناية بالوجه..عناية يومية-عناية إسبوعية-عناية شهرية
قصة بقرة بنى اسرائيل
وصفات لزيادة الوزن
إدارة الذات.. أ/ سها كمال
نشيد جدد حياتك
اللقاء الثانى من سلسله التخليه قبل التحليه (الكسل)
نرحب بالعضوات الجدد معانا
أفضل 10 أعضاء في هذا المنتدى
نشوه محمد
 
عبيرعبدو
 
جدد حياتك
 
bf321
 
هبه عقباوى
 
BB058
 
BI744
 
bi823
 
abomaryam6
 
هبة الرحمان
 
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط منتدى جدد حياتك للبنات فقط على موقع حفض الصفحات
المواضيع الأكثر شعبية
وصفات لزيادة الوزن
جروث فورميلا لزيادة الوزن للاطفال والكبار ومفيد جدا للحوامل مكمل غذائى صحى
بنات الرسول
اطعمه تساعد على زياده افراز الكولاجين فى الجسم مهم اوى
الرضا بقضاء الله وقدره وأثره النفسي
ماسكات تحفز انتاج الكولاجين فى البشره
باديكير ومانيكير... فى البيت
جروب جدد حياتك على الفيس بوك
ضفائر شعر لبنوتات بنات جدد حياتك
لتفتيح البشره

شاطر | 
 

 اللقاء الثالث من سلسه التخليه قبل التحليه (كن خير الناس)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هبه عقباوى
إدارية
إدارية
avatar

عدد المساهمات : 12
تاريخ التسجيل : 06/04/2013

مُساهمةموضوع: اللقاء الثالث من سلسه التخليه قبل التحليه (كن خير الناس)   الإثنين مارس 10, 2014 12:59 am

بسم الله  اللقاء رقم 3 من لقاءات التخليه قبل التحليه



موضوع اللقاء النهارده (فلتكن خير الناس )





واللقاء ده بيجمع ما بين حاجتين



اننا هنشيل من جوانا حاجه وحشه وهنستبدلها بحاجاااات حلوه



يعنى عايزين نتخلى ان بعض الحسابات كده اللى بتدور جوانا



عايزين تبقى حايتنا فيها بعض العفويه الفطريه للخير



ملحوظه



انا مبقولكش خد ثواب



ولا تعالى هقولك على حاجات تعملها علشان تاخد ثواب



لاء



ولا علشان حد يدعيلك



لاء



انا عيزاك  تكون نافع فى اى مكان تتواجد فىه



وفى اى زمان ومهما كان اللى هتعمله بسيط



بسم الله الرحمن الرحيم (كنتم خير امه اخرجت للناس تأمرون بالمعروف وتنهون عن المنكر) صدق الله العظيم



نعرف من الايه دى ان احنا سبب ان ربنا كرمنا وجعلنا خير امه اننا ننهى عن المنكر ونأمر بالمعروف



زى انت لو مدرس وعندك طالب انت بتعتبره افضل طالب عندك ليه علشان بيعمل الواجب بطريقه ممتازه وبيسمع كلامك



وديما تقول عليه ده احسن طالب عندى



وبعد فتره لقيت الطالب ده مبقاش يعمل الواجب ولا بقى يهتم بكلامك



اكيد موش هيفضل فى نفس مرتبته



اللى هيا احسن طالب



ولله المثل الاعلى طبعا



بس احنا بقنا خير امه  وخدنا الشرف ده علشان بنأمر بالمعروف وبننهى عن المنكر ولو الصفه دى اتشالت منا اكيد موش هنفضل فى نفس مكنتنا



ده موش موضوع الحلقه الاساسى ده عايز موضوع لوحده  ولكن لازم تعرفه انك لازم تسيب بصمتك على اى حاجه تشوفها



لو حاجه كويسه دعمها وشجعها ولو بكلمه



ولو حاجه غلط لازم تقف قصدها وتحاول تقومها



موش بالقلب



لاء



باليد  ولو فشلت يبقى باللسان



مقدمه طويله اوى اكتر مما كنت اتخيل



طب ندخل في الموضوع بقى



قال رسول الله صلى الله عليه وسلم (خير الناس انفعهم للناس ) صدق رسول الله صلى الله عليه وسلم



احنا عايزين نكون من خير الناس



(فلتكن خير الناس )



موش خير الناس انفعهم للناس



طب احنا عايزين نكون خير الناس



ازاى



يمكن انتو هتقولولى بس احنا متفقين اننا هنعمل تخليه الاول قبل التحليه



يعنى المفروض الاول  نشيل  الامراض الوحشه اللى جوانا وبعدين تقوليلنا نحلى ازاى



هقولكو مهو ده بقى موضوع ذو حدين



يعنى سلاح ذو حدين



لاننا هنتناول فى البعد عن الانانيه والتكبر والحسابات الشيطانيه



وهنكسب فى اننا هنكون  من خير الناس



طب نبدأ ونقول ازاى والله حاجات بسيطه اوى



انا هقول اللى قدرت افتكروا وانتو هتكملولى



1- انك تمشى فى قضاء حاجه لمسلم



قال رسول الله صلى الله عليه وسلم (من مشى مع اخيه المسلم  فى حاجه حتى يثبتها له ثبت الله قدمه يوم تزل الاقدام)



وانتو عارفين يوم تزل الاقدام دى امته



وانت ماشى على الصراط



اللى هوه فى الوقعه بضياع على طول



2- لو حد طلب منك حاجه عندك سلف ولا حاجه وانت تقدر تديهالو ادهالو



ما سئل رسول الله  شىء قط فقال لا



3- استروا عورات الناس  ومتزكروش عيوبهم



ودى مفهومه طبعا



متقوعوديش تقولى بس دى  مناخرها كبيره ودى قصيره ودى معرفش ايه



وكمان لو شوفتى عندها حاجه تعبها متخروجيش تقوليها بره



اه دى بيضه بس جسمها معرفش فى ايه



اتقوا الله في كل كلمه



وعن امير المؤمنين ايضا : من ابصر عيب نفسه شغل عن عيب غيره



وهل يكب الناس فى النار الا السنتهم



4- لو دخلت على مريض  ممكن ترقيه وتدعيله



اوعى تقول لاء الناس تضحك عليا



5- ممكن اشوف حد موش فاهم حاجه اشرحهاله



6- شوف اى حد جنبك او جارك او قريبك كبير فى السن وساعده



ممكن يكون موش كبير بس مريض



7-لو يا سيتى ست كبيره طالعه العربيه اسرعى انتى فى انك تطلعيها موش تستنى لما الست يطلع روحها علشان تقومى انتى وتتهزى وتخدى ايديها



خلى بالكو انت لما بتسعده انت موش بتتصدق عليه



وهتناول الحته دى فى الاخر



8-طالعه سلالم مترو او سلالم نفق او كوبرى  دورى انتى مخصوص على اى ست كبيره تخدى بأديها او اى حد شايل حاجه تقيله تخديها منه وتشيلى معاه حتى لو بنت ن سنك سعديها فى الشيل



متتكسفوش ولا تستخصروا صحتكو



متتكسفوش لان ده موش كسوف ده الشيطان بيضحك عليكو ويقولك طب وانتى قادره , طب هى ممكن تحرجك ولا تقول عليكى حرميه



ومتستخصروش صحتكو



لانها موش بأديكم وممكن اوى تروح منكو فى لحظه



9-حد قدامك عطشان متستخصريش فى نفسك الثواب قومى انتى هتيلوا مايه وبلاش كبر بقى وتقولى مهو قاعد اهوه ما يجيب لنفسه



لاء انتى  موش بتقرنى نفسك بحد



انتى خير الناس



ديما خلى الجمله دى فى بالك



انتى خير الناس



انتى غير الناس



متحسبيش كل حاجه حسابات دنياويه



انتى اللى ربنا خلقك علشان تشتغلى عنده



اه



انتى خير الناس



10 -لو ماشى فى الطريق ولقيت اى حاجه ممكن تأذى الناس شلها



اوعى تقولى لاء اتكسف اوطى فى الشارع



او لاء ايدى هتتوسخ



ولا ما كله ماشى اهوه



لاء انتى انفع الناس انتى خير الناس معندكيش تكبر ولا حسابات دنياويه رخيصه



11-اخوكى ولا اختك ولا حتى ولاد اخواتك عندهم امتحان قومى اعمللهم حاجه يشربوها

وفيها ايه وبلاش تزليهم علشان تعمللهم حاجه لان انتى موش بتعمللهم هما انتى بتعملى علشان انتى خير الناس




12-اوعى تسمحى لحد يخوض فى عرض حد قدامك



اوعى تتكسفى



على طول تخرصيه



وتقوليلوه لالا بلاش نتكلم عن حد نحسبهم على خير



انتى موش زى اى حد ممكن يسمح بالكلام ده انتى خير الناس



لازم ديما تردديها علشان تحسيها وتعملى بيها



13- لو لقيتى اى اتنين زعلنين من بعض اصلحى بنهم



متقوليش لا دول بيقرفونى ولا لالا وانا مالى



لاء انتى موش بتعملى كده علشنهم



انتى بتعملى كده علشان  انتى انفع الناس , انتى خير الناس



14- متتكسفوش ابدا من الامر بالمعروف والنهى عن المكنر



وسبق وقولت ان ده فرض  عين وكفايه



وهنتنوله بالتفصيل بعد كده فى لقاء لوحده بس بالمختصر



انك متتكسفش لما تقول لحد كده حرام



ايه هتتكسفى من الناس وموش هتتكسفوا من ربنا



لو لقيتى حد بيعمل  حرام عرفيه ان ده حرام



ولو اقدرتى فى اى موقف تأمرى بمعروف متتردديش وتقولى وانا مالى



وانا مالى دى كلمات شيطانيه



لان الامه الاسلاميه كلها كيان واحد



وسكوتك عن المنكر بيزودوا



15- انصحى بس راعى اسلوبك فى النصيحه



لازم يكون اسلوب كويس بيحترم اللى قدامك وتنقى الفاظك متكونش جارحه



16-الدعوه الى الله وتحفيظ القران



وعمل لقاء فى اى جروب



متتكسفش وتخاف تخوضى  التجربه لان ده واجب عليك



لو مقدرش تعمل كل ده ممكن تقرأ تفسير ايه وتشرحه



دى ابسط حاجه



لا تنكرن من المعروف شىء



ممكن الايه دى تغير انسان



سيدنا عمر اسلم من ايه رضى الله عنه



17-الدعو لصلاه فى جماعه موش علشان احنا بنات يبقى خلاص بقى تقولى وانا هصلى جماعه فين لاء



لما الاذان يأذن متتكسفش قومى شوفى مين عندك ينفع تصلى معاه وروحى قوليلوا انتى كده بتتفعيه وبتنفعى نفسك وكمان اوعى تكونى  انانىه يعنى لو انتو اتنين هتصلوا دورى  على الباقى ونديهم



مقولش منا هاخد ثواب الجماعه خلاص



18- ممكن تعمل حاجه سهله اوى



انك تسمع لحد مخنوق



او محتاج يتكلم



خلى ديما حياتك كلها لإما انت مع ربنا لإما انت بردو مع ربنا بس عن طريق نفع الناس



متقوليليش مهو انا بيكون فيا اللى مكفينى



لاء انتى تستحملى عارفه ليه



علشان انتى موش زى كل الناس



انتى خير الناس انتى انفع الناس



اومال هوه اللقب ببلاش كده



19-الله يكرموا غض البصر



قوليلى انا مببوصش على اولاد خالص الحمد الله



هقولك المشكله دلوقتى مبقش فى الولاد



المشكله ان البنات بقت بتبص على بعضها هههههههه اه والله



بلاش تقعودى انتى وصحباتك تمسكو كل بنت ماشيه وتطلعوا فيها القطط الفاطسه



20-الحث على الاستغفار



وانا وعدتكوا ان الاستغفار ده هنذكروا فى كل لقاء لانه الطريق لكل شىء



21- عايز كمان تعمل حاجه  تخليك فعلا من انفع الناس



ادعى للمسلمين بظهر الغيب



لان الدعوه بظهر الغيب دى دليل على الاخلاص



لانها مفهاش اى رياء



وموش اول ما تقبلى صاحبتك الصبح تقوليلها انا دعتلك ادعيلى بقى



لاء دى حاجه سريه اومال اسمها ظهر الغيب ليه



وانتى ممكن تدعلها وهى متدعلكيش متقوليش ليه اشمعنه بقى



هقولك علشان انتى غيرها انتى انفع الناس انتى خير الناس



والله انا لما بردد الكلمه دى جوايا بحس انى ملكه  



ومبقرنش نفسى باى حد لان ديما اقول هو الحد ده موش كويس بس انا هسعده علشان انا موش زى الناس انا انفع الناس انا خير الناس



22-انصر اخاك ظالما او مظلوما



والاغلبيه عارف معنى الحديث وبأختصار



تنصر مظلوم انك تقف جنبه وتنصره ظالم بأنك تردو عن غلطه وتفهمهوله



23- من ضمن انك تكون انفع الناس وخير الناس انك  تشتغل فى الدعوه وفى الخير حتى لو لوحدك



يعنى انا مثلا ممكن  ادى لقاء وكتير موش موجود بس بكمل  ممكن حد بس ياخد منى كلمه  هيا دى اللى تدينى لقب خير الناس  



اوعى تمل ولا الشيطان ييأسك ويضحك عليك ويقولك ياعم انت بتنفخ فى اربه مقطوعه



دى افكار شيطانيه والله



24- ياريت تعمل المنفعه من غير ما تفكر مين المستفيد منها



يعنى ممكن فى رمضان مثلا قبل المغرب تعملى زجاجتين عصير او تحضرى طبق تمر وتستنى اخوكى او والدك نازل يصلى وتدهلهم  ممكن تروحى مكان تلاقى حاجه بايظه يا سيتى صلحيها من غير ما تفكرى مين اللى هيستفاد منها



25-اشفع لاخيك



قال رسول الله صلى الله عليه وسلم (اشفعوا تؤجروا )



يعنى لو حد ليه مصلحه عند حد وانت ممكن تدخل تخلصهاله يا سيدى متتأخرش ومتستناش الرد انت غير الناس انت انفع الناس انت خير الناس



26-خلى نفعك ممتد لكل كائن حى انسان او حيوان او نبات



اسقى زرعه



لاعب طفل



حط اكل لحيوان



عايزه انهى بحاجه مهمه اوى



* افرح اوى اوى لو حد قصدك فى حاجه



انت عارف ان ده معناه ايه



معناه ان ربنا اختارك واصطفاك من ضمن ناس كتير علشان تشتغل عنده



أن لله عند أقوام نعما يقرها عندهم ما كانوا في حوائج الناس ما لم يملوا فإذا ملوا نقلها إلى غيرهم )



وقال ايضا صلى الله عليه وسلم



إن لله أقواما اختصهم بالنعم لمنافع العباد يقرهم فيها ما بذلوها فإذا منعوها نزعها منهم فحولها إلى غيرهم



يعنى انت لما بتخدم حد بحاجه او بتنفعوا بحاجه ده موش فضل من عندك



انت ربنا بيدك نعمه زى مثلا نعمه انك بتفكر كويس وبتعرف تحل المشاكل



وكل شويه واحده من زمايك تكلمك  عايزه اخد رايك فى كذا



اوعى تزهقى او تملى



واوعى تفتكرى انك  كده يعنى بلغتى اللى محدش بلغه



لاء دى امانه ربنا ادهالك علشان تسعدى بيها الناس وانتى راضيه وفخوره ومتواضعه انك بتشتغلى عند ربنا



لو مليتى او زهقتى ربنا هيشلها عنك



يعنى احتياج الناس ليه وخدمتك للناس ده شرف ليك



ده معناه ان ربنا  بيحبك  



لو حد على الفيس  او زميلك ساب كل الناس اللى عنده واختارك انت علشان يسألك عن حاجه او طلب منك حاجه



او عايزك تفهمه حاجه  افرح اوى اوى وسيب كل اللى في ايدك وساعده على قد ما تقدر دور انت على معنى الحاجه دى متقولوش اقرأها وافهمها او دورى على جوجل لاء اعمل انت الحاجه دى وفهمهاله او اشرحهاله  



*اخيرا



الله يكرمكوا حاولوا تحطو بصمه ليكو فى كل حته تروحوها  حاولوا تبقوا عايشبن هدفكوا انكوا تكونوا انفع الناس



*الواجب*



كل واحده هتكتبلنا عن موقف عملته لنفع الناس كل يوم موقف لمده 3 ايام وهتكتبوا تحت البوستر بتاع الواجب على الجروب



الى اللقاء في اللقاء القادم من سلسله (التخليه قبل التحليه )



هبه عقباوى
الرجوع الى أعلى الصفحة اذهب الى الأسفل
 
اللقاء الثالث من سلسه التخليه قبل التحليه (كن خير الناس)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جدد حياتك للبنات فقط :: جدد حياتك :: دروس جدد حياتك :: سلسلة التخلية قبل التحلية-
انتقل الى: