منتدى جدد حياتك للبنات فقط
التسجيل في المنتدى فقط للأخوات .. ممنوع التسجيل للرجال واعلم أخى أن الله شاهد ومطلع عليك..أهلا وسهلا بك زائرتنا الكريمة، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، كما يشرفنا أن تقومي بالتسجيل إذا رغبتى بالمشاركة في المنتدى، أما إذا رغبتي بقراءة المواضيع والإطلاع فقط فتفضلى بزيارة القسم الذي ترغبيه أدناه

منتدى جدد حياتك للبنات فقط

اهلا اهلا اهلا بيكم جدد حياتك بيرحب بيكم فرفش واضحك والعب معانا واوعى تنسى طاعة ربك ده هى ديه هى السعادة
 
الرئيسيةس .و .جبحـثالأعضاءالمجموعاتالتسجيلدخول
يسعدنا تقبل كافة اقترحاتكم عن طريق مرسالة مشرفة جدد حياتك
موعدنا يوم السبت الموافق 15/3/2014 الساعه 12 صباحا مع الأفتتاح الرسمي لمنتدى جدد حياتك .. انتظرونا
المواضيع الأكثر نشاطاً
فرح أغلى الغاليين .. هبه عقباوي
الليمون الممزوج بالمياه الدافئة لنزول الوزن
باديكير ومانيكير... فى البيت
ملف العناية بالوجه..عناية يومية-عناية إسبوعية-عناية شهرية
قصة بقرة بنى اسرائيل
وصفات لزيادة الوزن
إدارة الذات.. أ/ سها كمال
نشيد جدد حياتك
اللقاء الثانى من سلسله التخليه قبل التحليه (الكسل)
نرحب بالعضوات الجدد معانا
أفضل 10 أعضاء في هذا المنتدى
نشوه محمد
 
عبيرعبدو
 
جدد حياتك
 
bf321
 
هبه عقباوى
 
BB058
 
BI744
 
bi823
 
abomaryam6
 
هبة الرحمان
 
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط منتدى جدد حياتك للبنات فقط على موقع حفض الصفحات
المواضيع الأكثر شعبية
وصفات لزيادة الوزن
جروث فورميلا لزيادة الوزن للاطفال والكبار ومفيد جدا للحوامل مكمل غذائى صحى
بنات الرسول
اطعمه تساعد على زياده افراز الكولاجين فى الجسم مهم اوى
الرضا بقضاء الله وقدره وأثره النفسي
ماسكات تحفز انتاج الكولاجين فى البشره
باديكير ومانيكير... فى البيت
جروب جدد حياتك على الفيس بوك
ضفائر شعر لبنوتات بنات جدد حياتك
لتفتيح البشره

شاطر | 
 

 اللقاء الاول من سلسله التخليه قبل التحليه ( لقاء تمهيدى )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هبه عقباوى
إدارية
إدارية
avatar

عدد المساهمات : 12
تاريخ التسجيل : 06/04/2013

مُساهمةموضوع: اللقاء الاول من سلسله التخليه قبل التحليه ( لقاء تمهيدى )   الجمعة ديسمبر 27, 2013 11:07 pm

اللقاء الاول من سلسله محاضرات (التخليه قبل التحليه)



جروب جدد حياتك – احنا بنات بس





النهارده بأذن الله هنبدأ اول لقاء فى سلسله محاضرات التخليه قبل التحليه



على فكره هو لقاء تمهيدى موش اكتر



يعنى نعرف فيه سبب وهدف سلسله المحاضرات دى ايه



وكمان ليه سمتها بالاسم ده



بسم الله والله المستعان


بتحصل كتير انك بتكونى موش عارفه هتطبخى ايه فى الغدا



فبتدخولى المطبخ تلاقى بطاطس وبصل وتفتكرى ان فى فراخ فى الثلاجه يعنى كلها حالات بتخليكى تقررى انك تعملى صنيه بطاطس



الشاهد فى الكلام انى عايزه اوصلكوا ان ممكن مجموعه من الحاجات تخليكى تقررى انك تعملى حاجه معينه



وانا فعلا فى مجموعه حاجات خلتنى اقرر اعمل سلسله اللقاءات دى



حاجات كتير خطرت فى بالى



واسأله كتير



كنت ديما اسأل نفسى هوه احنا اشمعنه بنضف فى العيد ونقلب الدنيا



اشمعنا فى العيد



اشمعنه فى العيد بنجيب للاطفال لبس جديد



اشمعنه مهما كانت الست نضيفه بس تنضيفه العيد دى حاجه تانيه



ولو موش جايلك ناس بردو هتروقى



صدقونى انا فكرت فى الاجابه وسألت ناس متجوزه



بس كانت كل الاجابات علشان نفرح



علشان نحس بتغيير



علشان لو جلنا ضيف



طب ليه بندأ ننضف قبل العيد باقلل حاجه يوميين او 4 وممكن اسبوع




وكانت الردود علشان يدوبك نلحق



او اومال يعنى الناس تجينا تلاقينا بنضف



استخلصت من الموضوع ده انه لازم نعمل الاستعداد للحاجه من قبلها ومينفعش نعملها في ساعتها



كمان لفت نظرى حاجه ان ماشاء الله كل الفضاءيات بدأت تنزل اعلانات مسلسلات رمضان



قولت ماشاء الله



الممثلين دول شيفيين شغلهم تمام



اما احنا لسه نايميين




• انا كل ده بتكلم عن الحاجات اللى كانت السبب فى بدايه سلسله اللقاءات دى


وقولت ان اللقاء النهارده هيكون كله تمهيدى


فى سبب اساسى


ان نشوه كلمتنى وقالتلى عايزين نعمل حاجه لرمضان


بس بصراحه فكره يالا نصوم يالا نصلى


دى بنقولها ديما قبل رمضان


وبنصوم وبنصلى وبنختم


بس مبنجبش ال60%


هتقولولى 60% بتوع ايه


هقولك اللى هيدخلوكى التنسيق بتاع الايمان والاحتساب


قال رسول الله صلى الله عليه وسلم ((من صام رمضان ايمانا واحتسابا غفر له ما تقدم من ذنبه ))صدق رسول الله صلى الله عليه وسلم


فى بعض الناس ممكن تقول احنا فين ورمضان فين


مالما يجى رمضان نبقى نقول الكلام ده


طب انا هقولكوا مثال


تعالو نشبه حياتنا الدينيه بالعربيه


وطبعا الاغلبيه راكنها فى الجراش


وبيطلعها كل شويه يعمل بيها مشوار ويركنها تانى


مش فاهمة هبوش ممكن توضيح؟؟


طب احنا اتفقنا ان حياتنا الدنيا زى العربيه


هوضح اهوه


لو انتى رايحه مشوار مهم اوى اوى بعربيتك


اهااا


ايوة


والمشوار ده محتاجه ساعتين


وكل زميلك خريجين قبليها بساعتين


انتى بقى هتقولى لاء انا بقى هطلع انصح منهم


انا هخرج قبلها بنص ساعه بس


وهسوق على 200 كيلو



وهوصل فى الميعاد


وجيتى قبلها بنص ساعه وخرجتى العربيه


هتمشى على 200 مره واحده ؟


استحاله


دا انتى الاول هتسخنى العربيه فى 10 دقايق


ومينفعش تشغلى على سرعه عاليه مره واحده


لازم تسرعى واحده واحده


يبقى ضاع 10 دقايق تسخين


و10 دقايق فى السرعه البطيئه


وهتيجى بقى تعلى السرعه فى اخر 10 دقايق


موش هتوصلى


فى الميعاد


ولا قدر الله ممكن تكونى موش واخده على السرعه العاليه وتعملى حادث


او اى حاجه تعطلك فى الطريق



انا جبت المثال ده معلش هوه طويل شويه


بس انا هطبقه على رمضان


لو انتى استنيتى لما يجى رمضان علشان تبدأ


وكل اللى حوليكى بادأ وشغال


وانتى بتقولى لاء انا بقى هوريهم اول ما رمضان يبدأ هبقى ايه صاروخ


صدقينى هتضيع اول 10 ايام فى التسخين


لسه بقى موش واخده على صوم الصيف


والسهر


والحاجات دى


وهتبدأ تشدى شويه فى تانى 10 ايام


وتنطلقى بقى فى العشره الاواخر


بس موش هتلحقى


صح


ده كمان ممكن يحصلك اى حاجه لانك موش واخده على كده


*انا فى احدى الرمضانات فضلت اقيم الليل طول رمضان


وجيت فى اخر 5 ايام



مكونتش بتحرك


وروحت للدكتور قالى


قالى مجهود زياده


مهو انا موش واخده على السرعه الزياده


وضاع عليا اخر 5 ايام


فى القيام


وهم افضل ايام


موش مكسوفه وانا بقولكو على اللى حصل معايا لانى اتعلمت منه


زى الى مش واخد على قيام الليل يجى فى التراويح وعضلات رجله تقف


مش باردتك


وربنا عارف


بس غلطتى


انا قولتلكو كده ووضحت المثال ده علشان اقولكو احنا ليه لازم نبدأ بدرى


اما بقى سبب تسميه اللقاءات بالاسم ده


موش بيقولوا الكتاب بيبان من عنوانه


اهوه انا لقاءاتى بتبان من عنوانها


التخليه قبل التحليه هو عنوان اللقاءات وهدفها


احنا هنشرح حاليا فى معنى التخليه قبل التحليه


علشان نبقى فاهمين احنا بنعمل ايه الفتره اللى جايه


انتى لو دخلتى المطبخ


ومعلش انا بجيب امثله ديما ستاتيتى علشان تكون قريبه منا


لو دخلتى المطبخ ولقيتى كوبايه واحده وكان فيها خل


وانتى عايز تشربى عصير


هل هينفع انك تحوطى العصير فى الكوبايه اللى فيها الخل


ينفع ولا لاء


انتو بتفكروا


ههههههههههه


اكيد لا


الله يكون فى عون الرجاله


طبعا موش هينفع , طب المفروض نعمل ايه حتى لو انتى مسكتى الخل ودلقتيه بردو موش هينفع تحوطى الشربات او العصير


مهما كان النسبه بتاعت الخل قليله اوى بس هتبوظ العصير


حتى لو العصير هوه الكتير


بس ريحه الخل موش هتروح وهتغطى على العصير مهما كان احلى منها


طب اومال الخل ده ورحته هيروحوا بايه


باننا نغسل الكوبايه كويس


بالمايه والصبون


ببريل


نتأكده من انها بقى خاليه تماما من اى اثر للخل


وبعدين تحوطى الشربات


وتقدميه للعريس


لكن لو كسلتى وقدمتيها بالخل هيطفش


هوه ده اللى هيكون هدفنا


الخل هوه امراض القلوب اللى جوانا


زى الكذب البسيط اللى بنقول عليه موش بيضر


او الرياء اللى ملوش لزمه


او التكبر


ده الخل


واللقاءات والواجبات اللى هنعملها هيا دى المايه والصابون


والتحليه ان شاء الله هتكون مع بدايات شهر الخير


• ها يا بنات


عايزين نعمل صيانه للعربيه بتاعتنا


انتو عارفين لما بتكون مسافره سفر بعيد او خارج البلد لازم تعمل خروجيه للعربيه


بتعمل عليها صيانه شامله علشان لو اى حاجه فيها مهما كانت بسيطه بيرفضوها وميعدوهاش


فانوس مكسور مرايه معوجوه


ممكن انت تستهيف الحاجات دى


بس للاسف الحاجات دى هيا اللى ممكن تأدى لكوارث


عايزين نعمل صيانه مع بعض


انا عن نفسى هلتقى معاكو هنلقى لقائيين فى الاسبوع الجمعه ويوم تانى هحدده غالبا الاتنين ان شاء الله ولو هيتغير الاسبوع ده بس علشان محضراتى



انا هحضر كذا موضوع


وهندى واجب


وهنعمل منشور على الجروب اللى عمل الواجب هيكتب انه عمله


وكمان اللى عنده اى موضوع شايف ان بيأثر عليه فى الطاعه


يقولى عليه على الخاص حتى وانا هتكلم فيه


ونساعد بعض


انا محتاجه مساعده زيكوا


انا عملت اول خطوه النهارده


ونشوه كمان هتعمل مناسبه خاصه بمضان


وهيا بصراحه ماسكه الجوانب الفنيه


هههههههههههه


واى حد عنده حاجه يقولها


انا حبيت النهارده يكون لقاء تمهيدى بس


انا طولت عليكو


التقى بيكو ان شاء الله واللقاء القادم فى الحلقه الثانيه من


سلسله


(التخليه قبل التحليه )


هبه عقباوى


جروب جدد حياتك – احنا بنات بس


الرجوع الى أعلى الصفحة اذهب الى الأسفل
عائده يارب

avatar

عدد المساهمات : 2
تاريخ التسجيل : 05/05/2016

مُساهمةموضوع: رد: اللقاء الاول من سلسله التخليه قبل التحليه ( لقاء تمهيدى )   الخميس مايو 05, 2016 10:17 pm

رائع بل أكثر من رائعWink
طريقة العرض والأمثلة الستاتي جميلة جدا
والمفهوم نفسه
التخليه قبل التحليه
مفهوم جميل جدا وياريت ننفذه في حاجات كتير
هيخلينا نتخلص من عادات سلبية كتير
ونبني بدالها عادات إيجابية
بارك الله فيكي Smile
الرجوع الى أعلى الصفحة اذهب الى الأسفل
 
اللقاء الاول من سلسله التخليه قبل التحليه ( لقاء تمهيدى )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جدد حياتك للبنات فقط :: جدد حياتك :: دروس جدد حياتك :: سلسلة التخلية قبل التحلية-
انتقل الى: